ဂျပန်အပြေး အင်္ဂလိပ် အဝင် ဗိုလ်တိုက်ချွန်း ချင်းသေနတ်ကိုင်တပ်ရင်း(၁) တွင်တာဝန်ထမ်းဆောင်နေစဉ် တစ်ရက်တွင် ဒုတပ်ရင်းမှုး ချင်းလူမျိုး ဗိုလ်မှုးကပ်ကျောင်းက ခေါ်တွေ.ပြီး "တိုက်ချွန်း..ဒီနေ့တပ်ရင်းကို ဗိုလ်ချုပ်အောင်ဆန်းလာမယ်၊မင်းရဲ.ကင်းတပ်ဖွဲ.က တန်းစီအလေးပြုရမယ်၊ထုံးစံအတိုင်း ကင်းတပ်ဖွဲ.၊ခါးပတ်၊ဖိနပ်၊သေနတ်တွေ တိုက်ပြီး စည်းကမ်းတကျအလေးပြုပါစေ..." ဘယ်အချိန်လာမှန်းမသိ၊ဗိုလ်ချုပ်ကို တစ်ခါမှလည်း မမြင်ဘူးသော ဗိုလ်တိုက်ချွန်းတစ်ယောက် တပ်ရင်းအတွင်းသန့်ရှင်းရေးလုပ်၊အလေးပြုဖို့လည်း အစစ အရာရာ ပြင်ဆင်ကာ စောင့်ဆိုင်းရင်း ဗိုလ်ချုပ်ဘယ်လိုလာမလဲဆိုတာကို စဉ်းစားနေလေသည်။ကားနဲ့လာမှာလား..တစ်ခါတည်းတပ်ရင်းရုံးကိုတန်း မောင်းသွားမှာလား...ဗိုလ်ချုပ်ဆိုတော့ ကိုယ်ရံတော်တွေကပါ နောက်ကားတွေနဲ့ပါလားမှာလား..စသည်ဖြင့်တွေးတောနေလေသည်။နေ့လည်(၁၂) နာရီလောက်တွင် ကင်းစောင့်ရဲဘော်က ချင်းဘာသာဖြင့် "ဆရာ..ဟိုမှာ လူတစ်ယောက်လာနေတယ်" တပ်ရင်းဝင်းဝမှ လမ်းကိုတားထားသော ဝါးလုံးတန်းအနီးတွင် လူတစ်ယောက်ကိုတွေ.ရသည်။ဖျင်ပင်နီ၊တိုက်ပုံအင်္ကျီ၊ချည်ပုဆိုး၊ဖေါ့ဦးထုတ် ဆောင်းထားကာ.လက်ထဲမှာက တုတ်ကောက်တစ်ချောင်း..ထိုလူက "ရဲဘော်..ကျုပ်ဝင်ခဲ့ချင်တယ်" ကျွန်တော်က ခင်ဗျားဝင်ခွင့်မရှိဘူး၊ဒီနေ့ ကျွန်တော်တို့ဆီကို လူကြီးတစ်ယောက်လာဖို့ရှိတယ်၊လမ်းလယ်မှာ မရပ်ပါနဲ့၊လမ်းဘေးကိုသွားပါ" ဘယ့်နဲ့ဗျာ..ခြေရာမထင်အောင်လှဲထားတဲ့ မြေကြီးပေါ်မှာ ခြေရာတွေပွနေတာပဲ..ကျွန်တော်တော့ အပြစ်ကျတော့မှာပဲ ဟုတွေးမိပြီး "မလာနဲ့ ..မလာနဲ့..လမ်းဘေးမှာနေပါ" ဟုပြောတော့ ထိုသူက ခပ်အေးအေးပင် ပြုံးကြည့်ပြီးမှ "မဟုတ်ပါဘူး..အထဲဝင်ချင်လို့ပါ" ဟုပြောရင်း ရှေ.တိုးလာသည်။ကျွန်တော်က တာဝန်အရ အရေးတကြီးတားရင်း.."ဟေ့လူ...ဘယ်လိုလဲ၊ပြောနေတာမရဘူးလား၊ဒီမှာ မနေနဲ့ ကျုပ်တို့လူကြီးတစ်ယောက်လာမယ်..ဘေးမှာနေပါ" ဟုပြောရာ ထိုသူက "မေဂျာ ကပ်ကျောင်းရှိလား..ရှိရင်တွေ.ချင်တယ်..သူ့မိတ်ဆွေလာတယ်လို့ပြောပေးပါ "ဟု ဆိုလေရာ..မိတ်ဆွေဖြစ်လို့နေမှာဟုတွေးရင်း ဗိုလ်မှုးကပ်ကျောင်းကိုသွားခေါ်ရာ..ဗိုလ်မှုးက မျက်လုံးပြူး..မျက်ဆံပြူး နှင့် တပ်ရင်းရုံးခန်းအထွက်မှ လှမ်းကြည့်လိုက်သည်နှင့် ကျွန်တော့ကို ချက်ချင်းအမိန့်ပေးလိုက်ပါသည်။"ဟေ့..အဲဒါဗိုလ်ချုပ်အောင်ဆန်းပဲ။တိုက်ချွန်း...ကင်းတပ်ဖွဲ...တန်းစီအလေးပြုပါ။" ဟုဆိုရာ ကျွန်တော်လည်း "တပ်စိတ်..အမြန်ဆုံးတန်းစီ...ဗိုလ်ချုပ်ကို..သေနတ်မြှောက်အလေးပြု"......တပ်ဖွဲ.က သေနတ်မြှောက်အလေးပြုနေသည်ကို ဗိုလ်ချုပ်က အလေးပြုခံယူရင်း ပြုံးနေသည်..ထိုနောက်.ဒုတ်ကောက်ကိုမြေမှာထောက်..ခေါင်းကိုတစ်ချက်ငြီမ့်..ကျွန်တော်ကိုပြုံးကြည့်ရင်း.."ကောင်းတယ်ရဲဘော်..မင်းတာဝန်ကျေတယ်...ရဲဘော်ဆိုတာဒီလိုမှပေါ့ကွ "...ဟုဆိုလေသည်....
စာကိုး-တက္ကသိုလ်စိန်တင်၏ အောင်ဆန်းသူရိယတိုက်ချွန်းစာအုပ်မှ
Baydar Lam
No comments:
Post a Comment